Formacións
PLAN CORRESPONSABLES FEMUPO
En FEMUPO cremos en ti e no teu potencial, por iso queremos traballar xuntas e xuntos pola corresponsabilidade e a igualdade de oportunidades a través do noso Plan de Sensibilización, da Aula de Capacitación Dixital e da Formación Reglada. Non só formamos en coidados para acadar a acreditación profesional e poñelos en valor, senón que tamén nos centramos noutras ferramentas útiles do día a día para comezar unha nova etapa con seguridade e confianza. Pequenos pasos que xeran grandes cambios.
PLAN DE SENSIBILIZACIÓN
En sintonía cos valores fundamentais do Plan Corresponsables e para lograr un efecto de transformación integral e permanente, este espazo está adicado á promoción da igualdade e corresponsabilidade así como a proporcionar ferramentas valiosas para o fortalecemento das mulleres.
Empodera-T
Os cursos de EmpoderaT. Empoderamento persoal e colectivo, servirán de guía cara unha comprensión máis profunda da importancia do reparto das responsabilidades en todas as esferas da vida e neles atoparás recursos que van dende o asesoramento legal e profesional até consellos para o benestar emocional, afrontamento de desafíos e aproveitamento das oportunidades.
CrecerCoidando
No bloque CrecerCoidando. Educación, saúde e emocións para o desenvolvemento infantil e adolescente, presentamos ferramentas de coeducación esenciais para o coidado de menores dende unha abordaxe multidimensional (nutrición, intelixencia emocional, saúde mental, xogos...) sempre afectiva, asertiva e con elas e eles como protagonistas co obxectivo de acompañar ás familias e profesionais no seu desenvolvemento. Porque coidar das novas xeracións é sementar futuro.
OFRECEMOS MÁIS QUE FORMACIÓNS
Ofrecemos oportunidades para mellorar as competencias, abrir camiños profesionais e empoderar ás persoas.
ELÍXETE
AULA DE CAPACITACIÓN DIXITAL
Atendendo á fenda de xénero dixital e á necesidade de adquirir habilidades tecnolóxicas para o éxito no mundo laboral actual, este espazo céntrase na formación práctica en áreas clave do empoderamento e da empregabilidade vinculadas ás novas tecnoloxías.
Dixitaliza-T
Cos cursos de DixitalizaT aprenderás a utilizar eficazmente ferramentas e software de oficina, mellorarás as túas competencias de comunicación en liña e descubrirás como aproveitar as redes sociais para o teu crecemento profesional.
Tecnocoidado
Co bloque de Tecnocoidado verás como aplicar diferentes coñecementos e habilidades dixitais no coidado de menores dentro dunha nova oferta ampliada.
CONSTRUIMOS MÁIS QUE COÑECEMENTOS
Construímos sociedades máis equitativas e colaborativas, un ambiente máis saudable e satisfactorio tanto na vida persoal como profesional.
TOMA ACCIÓN
FORMACIÓN REGLADA
No Plan Corresponsables FEMUPO colaboramos con empresas especialistas en formacións regladas orientadas a mellorar a empregabilidade, con persoal docente acreditado que nos acompaña para ofertar os cursos máis demandados: Primeiros Auxilios e Manipulación de Alimentos.
%20(3).png)
%20(2).png)
A CORRESPONSABILIDADE NON É UNHA TAREFA INDIVIDUAL
As formacións van dirixidas principalmente ás mulleres para promover a súa profesionalización e mellorar as condicións nun sector que xa vimos amplamente feminizado, pero o traballo de transformación recae en todas as persoas e institucións como axentes sociais responsables do cambio.
É UN PROXECTO COLECTIVO
Tamén é tarefa dos rapaces e homes formarse para informar.